ئەندامانی لیژنەی قایمقامیەتی هەڵەبجە بە پۆستەرێک خەڵک ئاگاداردەکەنەوە لە داخستنی فرۆشگاکە. فۆتۆ: قایمقامیەتی هەڵەبجە
قسەی بە ئەندامانی لیژنە وتووە
گۆشتفرۆشێکی هەڵەبجە لەسەر بەکارهێنانی وتەی نەشیاو داخرا
964+
هاوبەش ئەبوبەکر
لە هەڵەبجە قەسابێک رێگریکردووە کە لیژنەکانی قایمقامیەت پشکنین بۆ ئەو گۆشتە بکەن کە لە فرۆشگاکەی بە هاوڵاتیانی دەفرۆشێت.
قایمقامیەتی هەڵەبجە رایگەیاند، گۆشتفرۆشێک وتەی نەشیاوی بەرامبەر بە ئەندامانی لیژنەی قایمقامیەت وتووە و بەوهۆیەوە داخراوە و رووبەڕووی رێکاری یاسایی کراوەتەوە.
شوێنی گۆشتفرۆشەکە لە گەڕەکی شارەوانی هەڵەبجەیە و لیژنەکانی قایمقامیەتی ئەمڕۆ یەکشەممە 15.10.2023 سەردانیان کردووە.
هەر لەسەر فرۆشتنی گۆشت، مانگی رابردوو قایمقامیەتی هەڵەبجە دەستی بەسەر 120 کیلۆگرام گۆشتی سوور و مریشک و دوگدا گرت، کە هەوڵ دراوە ببرێتە دەرەوەی پارێزگاکە.
