هاوڵاتییەک لە بەنزینخانەیەک، بەنزین وەردەگرێت _ وێنە: 964
بەهۆی کەمی خواستەوە بووە
لە سلێمانی نرخی بەنزین دابەزی
964+
دیلان محەمەد جەزا – سلێمانی
نرخی بەنزین لە بەنزیخانەکانی سلێمانی بەشێوەیەکی بەرچاو دابەزی و بەگوێرەی بەدواداچوونی 964 هۆکاری دابەزینەکەی کەمی خواستە لەسەر بەنزین.
بەهمەن قادر وتەبێژی بەنزینخانەکانی سلێمانی بە 964ی وت، کاتژمێر 4:00ی سەر لە ئێوارەی ئەمڕۆ، نرخی بەنزینی نۆرماڵ 50 دینار و بەنزینی محەسەن و سوپەر 25 دینار دابەزیوون.
وتەبێژی بەنزینخانەکانی سلێمانی دەڵێت، بە هیچ شێوەیەک کوالێتی بەنزینەکان دەستکاری ناکرێت، هۆکاری دابەزینەکەی دەگەڕێتەوە بۆ کەمی خواست لەسەر بەنزینی بازرگانی.
ئێستا نرخی بەنزینی نۆرماڵ 925 دینارە و بەنزینی محەسەن 1125 دینار و بەنزینی سوپەر 1275 دینارە.
پێداچوونەوە: فەهمی نەبی
