جوانترین گۆڵی مۆندیالی قەتەڕ..فۆتۆ: سۆشیال میدیا.
ڤیدیۆ… جوانترین گۆڵی مۆندیال دیاریی كرا
964+
ئه‌رسه‌لان عه‌بدوڵڵا – هه‌ولێر
فیدراسیۆنی نێوده‌وڵه‌تیی تۆپی پێ “فیفا”، جوانترین گۆڵی مۆندیالی 2022ی دیاریی كرد.
“فیفا” رۆژی هه‌ینی رایگه‌یاند، ریچارلیسۆنی هێرشبه‌ری به‌ڕازیل خاوه‌نی جوانترین گۆڵی مۆندیالی قه‌ته‌ڕ، كه له تۆڕی هه‌ڵبژارده‌ی سڕبیا له قۆناغی كۆمه‌ڵه‌كانی مۆندیالدا تۆماری كرد.
هه‌ر له‌م باره‌یه‌وه رۆژنامەی ئۆلێی ئەرجەنتینی بڵاوی کردەوە، فیدراسیۆنی نێودەوڵەتی تۆپی پێ “فیفا” کۆمەڵێک گۆڵی لە مۆندیال دیاریی كردبوو، بۆ ئه‌وه‌ی یه‌كێكیان به جوانترین دیاریی بكرێت.
ئاماژەی بەوەش کرد، دوای دوو رۆژ لە دەنگدان، ریچارلیسۆن خەڵاتی جوانترین گۆڵی بەدەستهێنا.
ریچارلیسۆنی یاریزانی تۆتێنهامی ئینگلیزی، لە مۆندیالی 2022 به‌شداریی چوار یاریی تیپه‌كه‌ی كرد و توانی سێ گۆڵ تۆمار بكات، دوو گۆڵ به‌رامبه‌ر سڕبیا و ئه‌وی دیكه‌ش له تۆڕی كۆریای باشوور بوو.