هێزەکانی ئاسایش لەکاتی داخستنی بەشێک لە یانە شەوانەکانی سەرچنار. وێنە/سۆشیاڵ میدیا
شوێنە “نەشیاوەکانی” سلێمانی داخران
964+
هاوبەش ئەبوبەکر – سلێمانی
ڤیدیۆ
هێزەکانی پۆلیس و ئاسایش لە سلێمانی هەڵمەتێکیان بۆ داخستنی “شوێنە نەشیاوەكان” لە سلێمانی دەستپێکرد و لە سەرچنار زیاتر لە حەوت شوێن داخران.
شەوی رابردوو لە راگەیەندراوێکدا، بافڵ جەلال تاڵەبانی سەرۆکی یەکێتی نیشتمانی کوردستان رایگەیاند، سەردانی گەڕەکی سەرچناری سلێمانی کرد و ژینگەی شێوێنراو و دوور لە بەها باڵاکانی کۆمەڵگەی کوردەواری بینیوە.
بافڵ جەلال تاڵەبانی دەڵێت، بەهۆی “شوێنە نەشیاوەکان” لە سەرچنار گلەیی و سکاڵای هاوڵاتیانی پێگەیشتووە و بڕیاریداوە بە داخستنی هەموو ئەو شوێنانەی دوورن لە ئایين، ئاکار و رەوشتی بەرزی کۆمەڵگەی کوردییەوە.
“سەرچنار یادەوەرییەکی شیرینی شارە حەیاتەکەیە و دەبێت بگەڕێتەوە بۆ ئەو سەردەمەی خێزانەکانی شار بۆ پشوو و کاتبەسەربردن روویان تێدەکرد و هەستیان بە ئارامی دەکرد،” بافڵ تاڵەبانی وای وت.