ئەمڕۆش نمە باران بەردەوام دەبێت

964+

توانا نەقی

بە پێی پێشبینی کەش و هەوا ئەمڕۆش جەوەکە هەور و نمە باران دەبێت و هەندێک کات دەگۆڕێت بۆ نیمچە هەور.

بەشی پێشبینی کەش و هەوای وەزارەتی گواستنەوە بڵاویکردەوە، پلەکانی گەرما نزیک دەبێت کەوەی دوێنێ و بە جێگری دەمێنێتەوە، بەرزترین پلەی گەرما لە گەرمیانە کە 36 پلەیە و نزمترینیش حاجی ئۆمەرانە بە 20 پلە.

وەزارەتی گواستنەوە زۆرترین بڕی بارانبارینی لە ماوەی 24 کاتژمێری رابردوودا بڵاوکردەوە بە شێوەیەک، حاجی ئۆمەران لە پارێزگای هەولێر 20.6 ملم، سەرکەپکان لە پارێزگای سلێمانی 4.3 ملم، کانی ماسی لە دهۆک 18 ملم، قەزای ناوەندی کەرکوک 1 ملم و ناحیەی تەوێڵە لە هەڵەبجە 3.6 ملم زۆرترین بارانیان لێ باریووە.

ئەمڕۆ چوار شەممە 11.10.2023
کەش/ ئاسمان نیمچە هەور دەبێت لە هەندێ کات دەگۆڕێت بۆ هەورى تەواو, لەکاتەکانی بەیانى زوودا نمە باران دەبێت لە ناوچە جیا جیا کان ، لەناوچە شاخاوییە سنوورییەکان نمە باران بەردەوامی دەبێت تا دوایی نیوەرۆ بەشێوەى پچڕ پچڕ دەبێت .
خێرایی با / لەسەرخۆ- مامناوەند ( 10 – 20) کم /ک دەبێت.
ئاراستەی با / باشوری خۆرئاوا دەبێت.
پلەکانی گەرما/ نزیک دەبێتەوە لەتۆمارەکانی دوێنێ.
مەوداى بینین/ لە نێوان ( 8 – 10 ) کم دەبێت.

سبەى پینج شەممە 12.10.2023
کەش/ ئاسمان بەگشتی لە نێوان نیمچە هەور بۆ پەڵە هەور دەبێت، لەکاتەکانی بەرەبەیانی زوودا ئەگەرى نمە باران هەیە لە سنورى پارێزگاکانى سلێمانی و هەڵەبجە.
خێرایی با / لەسەرخۆ – مامناوەند ( 10 – 20) کم /ک دەبێت.
ئاراستەی با / باکوور بۆ باکووری خۆرئاوا دەبێت.
مەوداى بینین/ لە نێوان ( 8 – 10) کم دەبێت.
پلەکانی گەرما/ نزیک دەبێتەوە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :
هەولێر : 32 پلەى سیلیزى
سلێمانی : 29 پلەى سیلیزى
دهۆک : 30 پلەى سیلیزى
کەرکوک : 35 پلەى سیلیزى
هەڵەبجە : 31 پلەى سیلیزى
زاخۆ : 30 پلەى سیلیزى
حاجی ئۆمەران: 20 پلەى سیلیزى
سۆران : 27 پلەى سیلیزى
گەرمیان : 36 پلەى سیلیزى
بەشى پێشبینى 11- 10 – 2023