دیمەنی ئۆپراسیۆنێکی سەربازی - وێنە: 964
"بنبڕیان دەکەین"
ئۆپەراسیۆنە هاوبەشەکان: 500 داعش لە عێراق ماون
964+
پێشەوا محەمەد
ئۆپەراسیۆنە هاوبەشەکانی عێراق رایدەگەیەنێت، 500 ئەندامی رێکخراوی داعش لە عێراقدا ماون و “کاریش دەکرێت ئەو رێکخراوە بە تەواوی لە عێراق بنبڕ بکرێت”.
تەحسین خەفاجی، وتەبێژی فەرماندەیی ئۆپراسیۆنە هاوبەشەکانی عێراق ئەمڕۆ پێنجشەممە 28.9.2023 بە ئەلعەرەبی جەدیدی راگەیاندووە، داعش توانا سه‌ربازییه‌كانی و وه‌رگرتنی چه‌كداری نوێی له‌ده‌ستداوه.
ئاماژەی بەوەش داوە، ئەوانەی ماونەتەوە لە ناوچە سنوورییەکانی هەرێمی کوردستان و ناوچە جێناکۆکەکاندان.
“ئۆپەراسیۆنە سەربازییەکان و هێرشە ئاسمانییە تایبەتەکان لەو ناوچانە بۆ نەهێشتنی شانەکانی داعش لە ماوەی رابردووشدا سەرکەوتنی ئەمنیی گەورە بەدەستهێناوە و زۆرێک لە سەرکردە دیارەکانی لەدەستداوە”، ئەوەش هەر قسەی تەحسین خەفاجییە.
وتوشیەتی، “کاری سەربازی و هەواڵگری چڕ هەیە بۆ کۆتاییهێنانی تەواوەتی داعش لە عێراق”.
