سەرما نەهاتووە و گۆشتی قەل و قاز گڕدەکەنەوە
+964
دیلان محەمەد جەزا
هێشتا وەرزی سارد و سەرما نەهاتووە، نرخی قاز لە بازاڕدا بەرز بووەتەوە، بە شێوەیەک هەر کیلۆیەک لە گۆشتەکەی دوو هەزار دیناری چووەتەسەر.
سەرکەوت مستەفا فرۆشیاری پەلەوەر بە 964 وت، ئەمساڵ جیاواز لە ساڵانی رابردوو، پێش هاتنی وەرزی سەرما نرخی قاز بەرزبووەتەوە.
دوو هەفتە لەمەوپێش، نرخی هەر کیلۆیەک گۆشتی قازی خۆمانە “کوردی” بە حەوت هەزار دینار بوو، بەڵام ئێستا نرخەکەی بۆ نۆ هەزار دینار بەرزبووەتەوە.
قەلی کوردیش هەر کیلۆیەکی لە نێوان 16 بۆ 20 هەزار دیناردایە، کە یەکێکە لە پەلەوەرە گرانەکان، لەبەر ئەوەی لە وەرزی زستاندا خەڵک ئارەزووی خواردنی دەکەن.
لەگەڵ هاتنی وەرزی سارد و سەرما، خواست لەسەر خواردنی پەلەوەرە گەورەکان زیاد دەکات، هەندێک جار نرخەکانیان بە شێوەیەکی بەرچاو بەرز دەبێتەوە.
ناسک حەوت ساڵە دوكانێكی مریشکفرۆشیی بەڕێوەدەبات
پێداچوونەوە: ئەرسەلان عەبدوڵا