بانکێک هاوشێوەی بانکی ناوەندی عێراق لە هەرێم دەکرێتەوە
964+
هاوبەش ئەبوبەکر
بەڕێوەبەرایەتی گشتی تۆماری کۆمپانیاکان دامەزراندنی بانکێکی بەناوی “بانکی نیشتمان” راگەیاند و دەڵێت، راستەوخۆ بە بانکی ناوەندی عێراقی فیدڕاڵەوە دەبەسترێتەوە و لە هەرێمی کوردستان هاوشێوەی نییە.
بڕیار وایە، هاوشێوەی بانکی ناوەندی، بانکی نیشتمانیش سەکۆیەکی ئەلیکترۆنی بۆ ئاڵوگۆڕی دراوەکان بە نرخی فەرمی هەبێت.
“راستەوخۆ مانگانە بەشە بودجەی هەرێم و موچەی فەرمانبەران دەگوازرێتەوە ئەم بانکە و فەرمانبەران دەتوانن لەڕێی ئەم بانکەوە موچەکانیان بەدەست بگات”، ئەمە بەپێی راگەیەندراوێک کە ئەمڕۆ پێنجشەممە وەزارەتی بازرگانی هەرێم بڵاویکردووەتەوە.
بانکی رافیدەین: پێدانی قەرزی 150 ملیۆن دیناری دەستپێدەکاتەوە
رێکارەکانی دامەزراندنی ئەم بانکە لە هەرێمی کوردستان تەواو بووە و ئەوەی ماوەتەوە هەندێ رێکاری رۆتینیە لەگەڵ بانکی ناوەندی و لە ئایندەیەکی نزیکدا تەواودەکرێت، ئەو وەزارەتە وا دەڵێت.