بە دەفتەرێک دۆلاری ساختەوە دەستگیر کرا
964+
فەهمی نەبی
پۆلیسی پارێزگای هەڵەبجە کەسێکیان دەستگیرکردووە، یەک دەفتەر دۆلاری ساختەی پێبووە و ویستوویەتی لە بازاڕ ساغیبکاتەوە.
ئەمڕۆ پێجشەممە، بەڕێوەبەرایەتی پۆلیسی پارێزگای هەڵەبجە ئەو گەنجەیان دەستگیرکردووە، ئەو گەنجە بە ماتۆڕسکیلێکەوە دەسگیرکراوە، هاوکات 10 هەزار دۆلاری ساختەی ئەمریکی لابووە.
پۆلیسی هەڵەبجە دەڵێت، گەنجەکە لەبەردەم دادوەر دانیناوە بە تۆمەتەکەی و بەپێی مادەی 381ی یاسای سزادانی عێراقی راگیراوە.
964 هەوڵیدا زانیاری زیاتر لەبارەی بابەتەکە دەستبخات، بەڵام وتەبێژی پۆلیسی پارێزگای هەڵەبجە ئامادەنەبوو هیچ وردەکارییەکی دیکە بخاتەروو.
