هەواڵ
کچێکی گەنج بە رووداوی هاتوچۆ گیانی لەدەست دا
964+
زەید کۆچەر – دهۆک
سێ ئەندامی یەک خێزان بە رووداوی هاتوچۆ گیانیان لەدەستدا
لە سەنتەری پارێزگای دهۆک لە گەڕەکی مالتا ئۆتۆمبێلیک خۆی بە کچێکی گەنجدا کێشا و دەستبەجێ گیانی لەدەست دا.
نەقیب شڤان ئیحسان، لەبەشی راگەیاندنی هاتوچۆی دهۆک بە 964ی وت، درەنگانی دوێنی شەو ئۆتۆمبێلێک لە گەڕەکی مالتا و لە نزیک ترافیک لایتی گردی ماڵتا بە خێراییەکی زۆر خۆی بە کچێکدا کێشاوە.
وتیشی، کچەکە دوای گەیاندنی بۆ نەخۆشخانەی گیانی لەدەست دا، کە تەمەنی 21 ساڵە و خەڵکی پارێزگای دهۆکە و لە گەڕەکی ماڵتا نیشتەجێ بووە، ئێستاش شۆفیرەکە دەستبەسەر کراوە لەلایەن پۆلیسی هاتوچۆی دهۆکەوە و دواتر دەدریت بە پۆلیسی دهۆک و لیکۆلینەوەی لەگەلدا دەکریت.
بە پێی زانیارییەکانی 964، ئەو کچەی گیانی لەدەست داوە، ماڵباتەکەی بە ئەسڵ خەڵکی گوندی بیباڤاین لە سنووری قەزای ئامیدی و نزیکەی دوو ساڵە دانیشتووی ناو شاری دهۆکن.
پێداچوونەوە: ئەرسەلان عەبدوڵا
