دهۆک دەبێتە خاوەنی 19 هەزار مەتر چوارگۆشە سەوزایی

964+

هاوبەش ئەبوبەکر

لەسەر رووبەری نزیکەی 19 هەزار مەتر چوارگۆشە، لە سەنتەری شاری دهۆک سێ باخچە دروستدەکرێن و سەدان دار هەوای شارەکە خاوێنتر دەکەن.

یەکێک لە باخچەکان دەکەوێت نزیک فولکەی کوردستان، کە لەسەر رووبەری حەوت هەزار و 200 مەتر چوارگۆشە دروستدەکرێت و رێژی 55٪ کارەکانی تەواو بووە.

باخچەیەکی دیکە دەکەوێتە گەڕەکی گرێ سور، رووبەری حەوت هەزار و 500 مەتر چوارگۆشەی بۆ تەرخانکراوە و بە رێژەی 30٪ـی کارەکانی تەواو کراون.

رێژەی سەوزایی لە ئاکرێ کەمترە لە 12%

لە گەڕەکی گرێ باسێ، باخچەیەکی دیکە لەسەر رووبەری چوار هەزار مەتر چوارگۆشە دروستدەکرێت و 37%ی كارەكانی تەواو كراوە.

ئەمڕۆ دووشەممە 18.9.2023، وەزارەتی شارەوانی و گەشتوگوزار رایگەیاند، “لە ئێستادا كاركردن لەو سێ پرۆژەیەدا بە باشی بەڕێوە دەچێت و بە تەواوبوونیان وێڕای ئەوەی سیمایەكی جوان بەو شوێنانە دەبەخشن، هاوكات دەبێتە هۆی بەرزكردنەوەی رێژەی سەوزایی لە شاری دهۆك”.