ئاگرێك زیاتر لە 20 سندوقى هەنگى سووتاند
964+
هیڤی دێوالی – دهۆک
به‌هۆى كه‌وتنه‌وه‌ى ئاگر لە ئاقارێكی گوندی بەرچێ له‌سنوورى قه‌زاى ئامێدیی پارێزگاى دهۆك، زیاتر لە 20 سندوقی هەنگ سووتان .
بە پێی زانیارییه‌كانى 964ـی، تا ئێستا هوکاری ئاگرەکە نەزانراوە و تەنیا زەویەکی سماق لەگەڵ 20 سندوقی هەنگ و ژمارەکی داری دیکەش سووتاون،
رێباز برکاهینی، هاوڵاتییه‌كى ئه‌م گونده بە 964ـی وت “تا گەیشتینە ئاگرەکە زیاتر لە 20 سندوقی هەنگ سووتان، زیانێکی مادی زۆریش گەیشتە خاوەنی رەزەکە”.
وتیشی، ئاگرەکە بە یارمه‌تی دانیشتووانی ناوچەکە کۆنترۆڵ کرا، تا تیمەکانی ئاگرکوژێنەوە گەیشتنە شوێنی رووداوەکە.
پێداچوونه‌وه: فه‌رهاد حه‌سه‌ن
