ھەشت مانگە فولکەی ساڵح ئاغا لە کەلار تەواو نەکراوە

964+

میلاد جەلال – گەرمیان

بەھۆی تێکچونی فولکەی ساڵح ئاغا لە 20.12.2022 شەقامەکە تێکدراوە، تاوەکو ئێستا تەواو نەکراوە، رێگاوبانیش دەڵێت بەھۆی بێ پارەییەوەیە.

شەقامەکە نزیکەی 700 مەترە، رێگای کەلار و خانەقین و مەرزی نێودەوڵەتی پەروێزخان بەیەکەوە دەبەستێتەوە.

عەدنان خەلیل بەڕێوەبەری رێگاوبانی گەرمیان بە 964ى وت، چینی یەکەمی قیرتاو کراوە بەڵام چینی دووەم و سێیەمی ماوە، بەھۆی نەبوونی پارەی نەختێنەیی لە بانک کارەکانی راگیراوە.

ئاماژەی بەوەشکرد، پرۆژەکە لەسەر بودجەی پەرەپێدانی پارێزگاکان جێبەجێدەکرێت و بڕیارە لە ئایندەیەکی نزیکدا دەست بە کارەکانی بکرێتەوە.

تائێستا 50%ى کارەکانی شەقام و فولکەکە  تەواو کراوە.