لە ئاکرێ بەرهەمی ناوخۆیی نمایشکرا

964+

زەید کۆچەر – دهۆک

بڕیارە تا 11ی ئەمشەو فێستیڤاڵی بەروبوومی ناوخۆیی لە سەنتەری قەزای ئاکرێ بەڕێوەبچێت و ئەمڕۆ یەکەم رۆژی فێستیڤاڵەکە بوو.

ئەو بەرهەمانەی لە فێستیڤاڵەکەدا نمایشدەکرێن پێکهاتوون لە برنجی ئاکرێ، هەنجیری ئاکرێ، سماقی ئاکرێ و زۆر بەرهەمی دیکە.

ئاراس حامد سەرپەرشتیاری فێستیڤاڵەکە بە 964ی وت، هەموو جووتیارانی سنووری ئاکرێ بەشدارییان کردووە لە نمایشکردنی بەرهەمەکانیان بۆ هاوڵاتیان.

سەرپەرشتیاری فێستیڤاڵەکە ئەوەشی وت، هەموو کەلوپەلەکان بە نرخێکی هەرزانتر لەناو بازاڕ و بە داشکاندنی زیاتر لە 25% بۆ هەموو بەرهەمە خۆماڵییەکان دەفرۆشرێت.

فێستیڤاڵەکە لە شەقامی رەزا لەسەنتەری قەزای ئاکرێ بەڕێوەدەچێت.

پێداچوونەوە: توانا نەقی