لە سبەینێوە هێڵەکانی ئینتەرنێت رادەگیرێن

964+

پێشەوا محەمەد

بەهۆی دەستپێکردنی تاقیکردنەوەکانی خولی دووەمی قۆناغی 12ـی ئامادەیی، بۆ حەوت رۆژ و ماوەی دوو کاتژمێر هێڵەکانی ئینتەرنێت رادەگیرێن.

بڕینی هێڵەکانی ئینتەرنێت لە سبەینێ یەکشەممە 6.8.2023ـەوە دەستپێدەکات تا 14.8.2023 و رۆژانە لە کاتژمێر 6:00 بۆ 8:00ـی بەیانی رادەگیرێن.

تاقیکردنەوەکان لە کاتژمێر 7:30 بۆ 10:30 سەرلەبەیانی دەبن.

هۆکاری راگرتنەکە بۆ دڵنیابوونەوەیە لە سەلامەتی تاقیکردنەوەکان تا هەوڵی فێڵکردن نەدرێت.

بژوێن عەلی، بەڕێوەبەری بەشی بەبازاڕكردنی كۆمپانیای IQ بۆ خزمەتگوزاری ئینتەرنێت بە 964ـی راگەیاند، لە لایەن وەزارەتی گواستنەوە و گەیاندنی حکومەتی هەرێمەوە پێیان راگەیەندراوە هێڵەکانیان لەو کاتە دیاریکراوەدا بووەستێنن کە وەزارەتی بۆی دیاری کردوون.