تابلۆیەک ئاماژە بە باخچەی دایک دەکات لە شارۆچکەی گۆپاڵە سەربە ناحیەی بازیان.وێنە:964
ئەگەر بچیتە باخەکانی گۆپاڵە دەبێت رووناکی خۆت بەریت
964+
هۆگر عەدنان – چەمچەماڵ
باخەکانی شارۆچکەی گۆپاڵە لە سنووری قەزای بازیان بێ رووناکین و گڵۆپ و رووناککەرەوەکان شکێندراون و چاک نەکراونەوە.
شارۆچکەکە چوار باخی گەورەی تێدایە.
دیلان سیروان، چالاکی مەدەنی لە گۆپاڵە بە 964ـی راگەیاند، بەهۆی نەبوونی رووناکییەوە شەوان ناتوانن بچنە باخەکان و کاتی تێدا بەسەر ببەن.
ئێستا شارەوانی پلانی چاککردنەوەی گڵۆپەکان و بەرزکردنەوەیانی هەیە.
ئاوارە لەتیف، سەرۆکی شارەوانیی شارۆچکەی گۆپاڵە بە 964ـی وت، “دەرخستەمان بۆ کردووە سێ ملیۆن دینارمان پێویستە بۆ چاککردنەوەی بەرزکردنەوەی رووناککەرەوەکان و چاوەڕێین بۆمان دابین بکرێت”.
سەرۆکی شارەوانی گۆپاڵە داوا لە دانیشتوانی شارەکە دەکات کەرەستە و موڵکی گشتی بپارێزن.
پێداچوونەوە: پێشەوا محەمەد