هەواڵ
پێشینه‌ى مانگانه‌ى سێ چاكسازى هه‌رێم زیادكرا
964+
فه‌رهاد حه‌سه‌ن
حكومه‌تى هه‌رێمی كوردستان بڕیاریدا به‌زیادكردنى پێشینه‌ى مانگانه‌ى هه‌رسێ چاكسازییه‌كه‌ى ژنان و منداڵان له هه‌رێمی كوردستان.
وه‌زاره‌تى دارایی حكومه‌تى هه‌رێم ئه‌مڕۆ 18.6.2023 نووسراوێكی ئاڕاسته‌ى وه‌زاره‌تى كارو كاروبارى كۆمه‌ڵایه‌تى كردووه و تیایدا ئاماژه‌ى به زیادكردنى پێشینه‌ى هه‌ندێك له چاكسازییه‌كانى سه‌ر به‌و وه‌زارته داوه.
به‌پێی نووسراوه‌كه، بڕیاریداوه بە زیادكردنی پێشینەی مانگانەی بەڕێوەبەرایەتیەكانی چاكسازی ژنان و منداڵان له هه‌ر سێ پارێزگاكانى هه‌ولێر، سلێمانى و دهۆك.
هه‌ر به‌پێی بڕیاره‌كه، چاكسازی ژنان و منداڵانى هـــەولێر، پێشینه‌ى مانگانه‌كه‌ى له هه‌شت ملیۆن دیناره‌وه زیادكراوه بۆ 10 ملیۆن و 500 هه‌زار دینار.
چاكسازى ژنان و منداڵانى سلێمانی له هه‌شت ملیۆن دیناره‌وه زیادكراوه بۆ 10 ملیۆن دینار و چاكسازی ژنان و منداڵانى دهـۆكیش له هه‌شت ملیۆن دیناره‌وه كراوه‌ته‌وه نۆ ملیۆن 500 هه‌زار دینار .
