خانەنشینان لە سەرەی وەرگرتنی موچەدا وەستاون. وێنە:بانکی مەڵکەندی.
وەزیری دارایی: کێشەکانی بەردەم مووچە سیاسین
964+
هاوبەش ئەبوبەکر
وەزیری دارایی هەرێم رایگەیاند، کێشەکانی بەردەم مووچە “سیاسین” و تا ئەو گرفتە سیاسیانە چارەسەر نەبن، کێشەی مووچە بەردەوامدەبێت.
ئەمڕۆ هەینی، ئاوات جەناب وەزیری دارایی هەرێم، لە کۆنفرانسێکی رۆژنامەوانیدا وتی، “ئەوەی بزوێنەری سەرەکی ئەم کێشانەیە، لەرووی دارایی و مووچە و خزمەتگوزارییەوە، هەبوونی گەندەڵی و گرفتی سیاسییە”.
دەشڵێت، “تاوەکو کێشەی سیاسی و گەندەڵی چارەسەر نەبن، کێشەی خەڵک چارەسەر نابێت”.
ئەم مانگە، دابەشکردنی مووچە 15 رۆژ دواکەوت و بەپێی ئەو خشتەیەی کە لەلایەن وەزارەتی دارایی بڵاوکراوەتەوە، دوو هەفتە دانراوە بۆ ئەوەی هەموو وەزارەت و فەرمانگەکان مووچەیان پێبدرێت.