وێنە: تەندروستی راپەڕین
لە راپەڕین
جەژن 2500 نەخۆش سەردانی خەستەخانەیان كردووە
964+
كوردستان ئەحمەد – هەولێر
تەندروستی راپەڕین دەڵێت، لە رۆژانی جەژندا دوو هەزار 508 نەخۆش سەردانی نەخۆشخانەكانیان كردووە.
لە سێ رۆژی جەژندا ئەو هاوڵاتیانەی سەردانی خەستەخانەكانی راپەڕینیان كردووە زۆربەیان بۆ وەرگرتنی چارەسەری كاتی وەك سەر ئێشە و سك ئێشە و هەوكردنی ریخۆڵە و ئازاری ورگ بووە.
پەیجی فەڕمی بەڕێوەبەرایەتی گشتی تەندروستی راپەڕین ئامارەكانی بڵاوكردوەتەوە و نوسیویەتی لە رۆژانی جەژندا سەرجەم خەستەخانەكان كراوەبوون بەرووی هاوڵاتیاندا .
ئامارەكان بەم شێوەیەن:
505 هاوڵاتی لەناونەخۆشخانە داخڵکراون و ماونەتەوە بۆ وەرگرتنی چارەسەرو چاودێریکردنیان.
41نەشتەرگەری جۆراو جۆر ئەنجامدراون.
32منداڵ لەسنورەکە لەدایکبوون لەڕۆژانی جەژندا.
118غسلی گورچیلە بۆ نەخۆشانی گورچیلە ئەنجامدراون.
25حاڵەتی بەربوونەوە چارەسەریان بۆکراوە
9حاڵەتی پێوەدانی دووپشک هەبووە.
8حاڵەتی ژەهراویبوون چارەسەرکراون.
60برینداری ڕووداوی جۆراوجۆر.