"هەستى نیشتمانپەروەرى بەرز بووەتەوە"
“زیاتر گەنجان دەیکڕن”، بازاڕى جامانە گەرمە
964+
دیلان محەمەدجەزا- سلێمانى
دواى رووداوەکانى رۆژئاواى کوردستان، بازاڕى ئاڵاى کوردستان و جامانەى کوردى گەرمە و زیاتر گەنجان دەیکرن.
ئاوات کەریم کە دوکاندارێکى بازاڕى سلێمانییە و جامانە دەفرۆشێت، بە 964ـى وت،” هەستى نیشتمانى خەڵک و بەتایبەتیش گەنجان بەرز بووەتەوە و روویان لە کڕینى جامانە کردووە”.
وەک ئەوەى باسى دەکات، بازارەکەیان پەیوەندى بە رووداوەکانى رۆژئاواى کوردستانەوە هەیە، بەتایبەت گەنجان دەیکڕن و لەو رێگەیەوە هەستى نیشتمانى و کوردانەى خۆیان پیشان دەدەن.
پێداچوونەوە: وریا فەتاح
