دیمەنی ئەو گوللە تۆپانەی لە گەمیان هەڵگیراونەتەوە.وێنە.دەزگای گشتی مین
39 گوللە تۆپ هەڵگیراوەتەوە
32 هەزار مەتر دووجا زەوی گوندێکی گەرمیان لە مین پاککرایەوە
964+
توانا نەقی
لە سنووری گوندی سەنگەری سەروو لە ناحیەی قۆرەتووی گەرنیان دەزگای مین چەندین گولە تۆپی هەڵگرتەوە و 32 هەزار مەتر دووجا زەوی کشتوکاڵیشیان پاککردەوە.
دەزگای گشتی مینی هەرێم بڵاویکردەوە، دوا قۆناغی پرۆسەی پاکسازی لە ناوچەی شەڕگەی(دێ کۆن -D) لە گوندی سەنگەری سەروو لە ناحیەی قۆرەتوو، کە تیمی مینلابەری دەستی(GD3) وتیمی لە ناوبردنی تەقەمەنی(EOD) ، کاری پاکسازی تێدا ئەنجام دەدەن کۆتایی هات.
ئاماژە بەوەشکراوە، رووبەری 32 هەزار مەتر دووجا تێدا پاککراوەتەوە و نزیکەی 70 پارچە تەقەمەنی دۆزراوەتە، رووبەرێکی ئەم ناوچەی شەڕگەیە شوێنی کەتیبەی تۆپ هاوێژی رژێمی بەعس بووە، لەبەر زۆر خوێندنەوەی قوڵی شوێنی پارچە تەقەمەنییەکان کە قوڵی لە سەروی مەتر و نیوێک بووە، بەو هۆیەوە بڕیاردرا بە ئامێری حەفارە کاری پاکسازی تێدا ئەنجام بدرێت.
ئەمڕۆ نزیکەی 39 گولە تۆپی 130 ملم و 150 ملم تێیدا دۆزرایەوە، شوێنی ئەم شەڕگەیە زەوی کشتوکاڵییە و چاوەڕواندەکرێت پاش پاککردنەوەی و رادەست کردنەوەی بە خاوەنەکەی پڕۆژەی بەخێوکردنی پەلەوەر و بەروبوومی کشتوکاڵی تێدا ئەنجام بدات، دەزگای مین وادەڵێت.
