رێژەی بەشداربوونی دەنگدانی تایبەت 82.42% بوو

964+

ئەرسەلان عەبدوڵا

كۆمسیۆنی باڵای سەربەخۆی هەڵبژاردنەكانی عێراق رایگەیاند، رێژەی بەشداربوون لە دەنگدانی تایبەتی ئەمڕۆ 82.42% بوو.

ئەمشەو كۆمسیۆنی باڵای سەربەخۆی هەڵبژاردنەكانی عێراق لە بەغدا لە كۆنگرەیەكی رۆژنامەوانیدا، رێژەی بەشداریكردنی لە دەنگدانی تایبەت ئاشكرا كرد، كە 82.42% بوو.

كۆمسیۆنەكە، كە زیاتر لە سەعاتێك لە وادەی دیاریكراوی كۆنگرە رۆژنامەوانییەكە دواكەوت،  سوپاسی هەموو دەنگدەران و لایەنە پەیوەندیدارەكان و چاودێران و رێكخراوە نێودەوڵەتییەكانیان كرد، كە بەشداربوون لە بەڕێوەچوونی “سەركەوتووانەی” پرۆسەی دەنگدانی تایبەت.

ئاماژەیان بەوەش كرد، زیاتر لە یەک ملیۆن و 100 هەزار كەس دەنگیان دا

ئەمڕۆ یەكشەممە 9.11.2025 دەنگدانی تایبەتی هێزە ئەمنییەكانی كوردستان و عێراق و ئاوارەكان بۆ هەڵبژاردنی خولی شەشەمی پەرلەمانی عێراق بەڕێوەچوو، كە لە حەوتی بەیانی دەستیپێكرد و لە شەشی ئێوارە كۆتایی هات.

رۆژی سێشەممەش 11.11.2025 دەنگدانی گشتی بەڕێوەدەچێت.

دەنگدانی تایبەت کۆتایی هات