کارمەندێکی کۆمیسیۆنی هەڵبژاردنەکان لەکاتی راییکردنی کارەکەی.
هەیە پێشینەی تاوانی هەیە
کۆمیسیۆن 68 کەسی دیکەی لە بەربژێری دوورخستەوە
964+
ژووری هەواڵ
بە هۆکار و پاساوی یاسایی جۆراوجۆر، 68 کەسی دیکەی لە کێبڕکێی هەڵبژاردنی داهاتووی ئەنجوومەنی نوێنەران دوورخرانەوە.
ئەمڕۆ یەکشەممە 10.8.2025، کۆمیسیۆنی باڵای سەربەخۆی هەڵبژاردنەکانی عێراق رایگەیاند، 68 بەربژێری دوورخستەوە، کە پەرلەمانتارێک و پارێزگاری پێشووی نەینەوایان تێدایە.
ئەحمەد جبوری، ئەندامی پەرلەمانی عێراق و نەجم جبوری، پارێزگاری پێشووی نەینەوا لە ناو دوورخراوەکاندان، کۆمیسیۆن دەڵێت، پێشینەی تاوانکارییان هەبووە.
دوورخستنەوەی بەربژێرەکانی دیکەش، بەگوێرەى ئاژانسی هەواڵی عێراق، بەهۆکار و پاساوی یاسایی جۆراوجۆرەوە بووە.
بەم 68 کەسەوە. ژمارەی بەربژێرە دوورخراوەکان گەیشتووەتە 114، چونکە پێشتریش 46 کەسی دیکە لە کێبڕکێی هەڵبژاردنەکان دوورخرابوونەوە.
