یەکێک لە شەقامەکانى قەزاى کفرى
شارى وەزیران
ئەمڕۆ، 171 ساڵە کفرى قەزایە
964+
وریا فەتاح
خانوو و ماڵ و بازاڕەکانى هێشتا رووخسارى سەدەکانى رابردوویان بەرنەداوە، کورد زۆرینەى دانیشتوانییەتى و پێکهاتەى عەرەب و تورکمانیش تێیدا دەژین، ئەمڕۆ یادى بەقەزابوونى ئەو شارەیە کە بە شارى وەزیران ناسراوە.
شارى کفرى ساڵى 1853 بووە بە قەزا و ئەمڕۆ یادى 171 ساڵەى بە قەزابوونى شارەکەیە.
کفری، بەشاری وەزیران ناودەبرێت، چونکە لەسەردەمی پاشایەتییەوە لەزۆربەی کابینە جیاجیاکانی عێراق دا لەپۆستی وزاری پشکی بەرکەوتووە.
کاتێک چاوێکى خێرا بە کوچە و کۆڵانەکانى کفریدا دەگێڕیت، دیوار و خشت و خانووەکان و بازاڕى قەیسەرى شارەکە، مێژوویەکى کۆن دەگێڕنەوە.
سەرەڕاى ئەوەى یەکێکە لە کۆنترین قەزاکانى عێراق و کوردستان، بەڵام ساڵى رابردوو گەڕێک خۆپیشاندانى چالاکوانانى شارەکە بەڕێوەچوو و داواى خزمەتگوزاریان دەکرد.
کفرى پێکهاتووە لە هەریەک لە ناحیەکانى ( سەرقەڵا، ئاوەسپى، نەوجول، کۆکس)، لەخۆى دەگرێت.
