لەپێناو پاراستنی سیمای شارەکە زیادەڕەوی قەساب و سەوزەفرۆشان خورماتوو لادەبرێن.
"سەرپێچیکاران سزا دەدرێن"
لە خورماتوو زیادەڕۆییەکانی دەروازەی شار لابران
964+
سیروان خورشید-دوزخورماتوو
لە دەروازەی خورماتوو زیادڕۆییەکان لابران و سەرپێچیکارانیش رووبەڕووی یاسا دەکرێنەوە.
زوڵفەقار حەیدەر قائیمقامی خورماتوو بە 964ـی وت، “بڕیارمانداوە بە لابردنی سەرجەم سەوزە فرۆشان و ئەو گۆشتفرۆشانەی سەر جادە و شۆستەکانیان لە نزیک دەروازەی هاتنەناوەوەی شار داگیر کردبوو و قەرەباڵغیان دروست کردبوو”.
ئاماژەی بەوەشکرد، ئەو کاسبکار و دوکاندارانەی زیادەڕۆییان کردووە، مۆڵەتی یەک هەفتەیان بۆ دانراوە پابەندی رێکار و رێنماییەکان بن، بەپێچەوانەوە بە بڕی 500 هەزار بۆ یەک ملیۆن دینار سزای دارایی دەدرێن و رووبەڕووی یاسا دەکرێنەوە.
ئەمەش دوای ئەوە دێت کە دانیشتووانی خورماتوو گلەیی و گازندەیان گەیاندە ئیدارەی شار سەبارەت بەوەی کە سەوزە فرۆشان بوونەتە ھۆی دروستبوونی قەرەباڵغی و بە تەواوی شۆستەکانیان داگیر کردووە،
ھەروەک دیمەنی دەروازەی چوونەناو قەزاکەیان ناشرین کردووە و دوای خۆیان پاشماوە و پاشەڕۆی زۆر بەجێدەهێڵن.
پێداچوونەوە: شۆڕش قادری
دوکانداران لەسەر ئەرکی خۆیان قەیسەریەکانی خورماتوو نۆژەندەکەنەوە
دانیشتوانى خورماتوو کێشەى ئاوى پاکیان هەیە
