دیمەنێك ناو بازاڕی هەولێر نزیك كۆتری سەلام، فۆتۆ: شارەوانیی هەولێر
لە ماوەی ساڵێکدا
لە هەولێر تابلۆی زیاتر لە هەزار شوێن کراون بە کوردی
964+
شۆڕش قادری
بەڕێوەبەری گەشتوگوزاری هەولێر دەڵێت، لە یەک ساڵدا زمانی كوردی لەسەر تابلۆی زیاتر لە هەزار شوێنی گەشتیاری و بازرگانی لە هەولێر نووسراوە و كراوە بە زمانی یەكەم.
دلێر محەمەد بەڕێوەبەری گشتیی گەشتوگوزاری هەولێر بە 964ـی وت، “هەڵمەتەکانمان بۆ گۆڕینی زمانی سەر تابلۆی شوێنە بازرگانی و گەشتیارییەکان بەردەوامە و تەنها لە ساڵی 2023دا لە کۆی 1400 شوێنی گەشتیاری و بازرگانی، زیاتر لە هەزار و 12 شوێن تابلۆکانیان بە کوردی کراون”.
“پڕۆسەی پشکنین و بە کوردیکردنی ئەو شوێنانەی هەتا ئێستا ماون، بەردەوامە و کاری جددیان لەسەر دەکرێت”، دلێر محەمەد وای وت.
بەڕێوەبەری گشتیی گەشتوگوزاری هەولێر ئاشکراشی کرد، ئەمڕۆ دووشەممە 19.8.2024 لەگەڵ ساسان عەونی وەزیری شارەوانی و گەشتوگوزاری هەرێم کۆبوونەتەوە و ناوبراو فەرمانی كردووە بەوەی کە دەبێت بەڕێوەبەرایەتیی گشتیی گەشتوگوزاری هەولێر، سیستەمی جۆریی ئایزۆ پەیڕەو بكات و بڕوانامەی ئایزۆ بۆ نەهێشتی ڕۆتین و باشتر بەڕێوەچوونی ئیشوكارەكان وەربگرێت.
زیاتر لە دوو هەزار تابلۆ لە زمانی بیانیەوە کراون بە کوردی
