هاوکارییەکانی هێزی زەمینی ئیتاڵیا وێنە: بەڕێوەبەرایەتی گشتی پەروەردەی هەولێر
لە داهاتووشدا بەردەوام دەبن
فەرماندەی هێزی زەمینی ئیتالیا هاوکاریی کەرتی پەروەردەی کرد
+964
ژێوار خدر
ئەمڕۆ دووشەممە بەڕێوەبەرایەتیی گشتیی پەروەردەی هەولێر بڵاویکردەوە، فەرماندەی هێزی زەمینی ئیتالیا لە رێگەی دابینکردنی چەند کەلوپەلێکەوە هاوکاری پەروەردەکەیانی کردووە.
نەوزاد عەبدوڵا وتەبێژی بەڕێوەبەرایەتیی گشتیی پەروەردەی هەولێر بە 964ی وت، عەقید چێرۆ فۆڕتێ، فەرماندەی هێزی زەمینی ئیتالیا، لە رێوڕەسمێکدا کۆمەڵێک کەلوپەلی قرتاسییە و وەرزشی وەک هاوکاری بەخشی بە کۆگاکانی بەڕێوەبەرایەتیی گشتیی پەروەردەی هەولێر.
وتیشی، ئەمە وەک سەرەتایەک بووە و هێزی زەمینی ئیتالیا، پێیان راگەیاندووین لە داهاتووشدا هاوکارییەکانیان بەردەوام دەبێت، بەڵام نازانن هاوکارییەکان چی دەبن.
964 دەزانێت، ئەو کەلوپەلانەی کە وەک هاوکاری بەخشراون، پێکهاتوون لە 1500 بەند کاغەز و جلی وەرزشی منداڵان و تۆپی پێ.
