چی به‌سه‌ر هات؟
فڕۆكه‌یه‌ك له كاتی فڕیندا تایه‌یه‌كی لێبووه‌وه
964+
ئه‌رسه‌لان عه‌بدوڵا
فڕۆكه‌یه‌كی بۆینگ 777، كه له ئه‌مریكاوه به‌ره‌و ژاپۆن ده‌چوو، به ناچاری دوای ماوه‌یه‌كی كه‌م له فڕینی، نیشته‌وه، دوای ئه‌وه‌ی یه‌كێك له تایه‌كانی لێبووه‌وه.
فڕۆكه‌كه سه‌ر به هێلی كۆمپانیای یونایتد ئێرلاینزه و ئاژانسی هه‌واڵی فرانس پرێس ڤیدیۆكه بڵاوكرده‌وه، كه فڕۆكه‌كه له كاتی فڕیندا تایه‌یه‌كی لێده‌بێته‌وه و ده‌كه‌وێته گۆڕه‌پانی وه‌ستانی ئۆتۆمبێل له فڕۆكه‌خانه‌كه.
به‌رپرسانی فڕۆكه‌خانه‌كه پێنجشه‌ممه رایانگه‌یاند، چه‌ند ئۆتۆمبێلێك به‌هۆی كه‌وتنی تایه‌كه‌وه زیانیان به‌ركه‌وت.
فڕۆكه‌كه 249 سه‌رنشینی هه‌ڵگرتبوو، به‌ره‌و شاری ئۆساكای ژاپۆن گه‌شتی هه‌بوو، به‌ڵام به‌هۆی رووداوه‌كه گه‌ڕایه‌وه و به سه‌لامه‌تی نیشته‌وه.
