زانکۆی قەیوانی نێودەوڵەتی زۆرترین خوێندکار سەردانی کردوون
964+
دیلان محەمەد
لە ماوەی سێ رۆژی پێشانگای نێکست ستێپ زیاتر لە سێ هەزار دەرچووی پۆلی 12ـی ئامادەیی سەردانیان کردووە.
هاوشانی زانکۆ حکومییەکان زانکۆ تایبەتەکانیش بەشداری پێشانگاکەبوون و یەکێک لەو زانکۆیانە قەیوانی نێودەوڵەتی بوو.
هێور عەبدوڵا، رێکخەری وەرگرتنی خوێندکار لە زانکۆی نێودەوڵەتی قەیوان بە 964ـی وت، زیاتر لە دوو هەزار خوێندکار سەردانی کردوون و پێشبینی دەکەن 800 لەو خوێندکارانە لە زانکۆکەیان بخوێنن.
وتیشی، زانکۆکەیان لە پێنج کۆلێژ و 11 بەش پێکدێت و ئامادەکاری تەواویان کردووە بۆ وەرگرتنی خوێندکاران.
پێداچوونەوە: توانا نەقی