ژمارەیەک کارتی نیشتیمانی - وێنە: بەڕێوەبەرایەتی رەگەزنامە و باری شارستانی سلێمانی
سزای ونکردنی کارتی نیشتیمانی چییە و چۆن دەردەهێندرێتەوە؟
964+
پێشەوا محەمەد
بەڕێوەبەرایەتی رەگەزنامەی سلێمانی هۆشداری دەداتە هاوڵاتیان، لە ئەگەری ونکردنی کارتی نیشتیمانیان لە 25 تا 100 هەزار دینار سزای دارایی دەدرێن.
بەڕێوەبەرایەتییەکە رایگەیاندووە، ئەگەر یەک جار ونبێت لە کاتی دەرهێنانەوەی بڕی 25 هەزار دینار و جاری دووەم 50 هەزار دینار و جاری سێیەم 100 هەزار دینار وەردەگیرێت.
بە پێی زانیارییەکانی بەڕێوەبەرایەتییەکە، هاوڵاتی لە کاتی ونبووندا پێویست ناکات دووبارە فۆڕمی کارتی نیشتیمانی پڕ بکاتەوە، بەڵکو دەبێت مامەڵەی ونبوونی کارتەکەی بکات لە کەرتی پۆلیس بەشی ونبووەکان و لەوێشەوە نووسراوی بۆ دەکرێت بۆ بەڕێوەبەرایەتی رەگەزنامە.