وێنەی تۆمەتبارەکە. فۆتۆ: ئاسایشی هەولێر
بازرگانی مادەی هۆشبەرە
ئەو شۆفێرەی بەبێ پارەدان بەنزینی تێکرد دەستگیرکرا
964+
هاوبەش ئەبوبەکر
ئەو کەسەی لە بەنزینخانەیەکی هەولێر بەنزینی تێکرد و بەبێ پارەدان هەڵهات دەستگیرکرا، ئاسایش دەڵێت، شۆفێرەکە بازرگانی مادەی هۆشبەرە.
ئەمڕۆ پێنجشەممە 24.8.2023، ئاسایشی هەولێر رایگەیاند، لەناو ئۆتۆمبێلی ئەو شۆفێرەی کە بەبێ پارەدان لە بەنزینخانەیەکی هەولێر بەنزینی تێکرد، مادەی هۆشبەر دۆزراوەتەوە.
“لەکاتی دەستگیرکردنیدا دەرکەوت بازرگانی مادەی هۆشبەرە و دەستمان گرت بەسەر بڕێک مادەی هۆشبەر لە جۆری کریستاڵ و ئامێری کێشان و پێوانەکردنی ماددەی هۆشبەر”، ئاسایشی هەولێر وا دەڵێت.
لە تۆمارێکی ڤیدیۆیدا کە لەلایەن ئاسایشی هەولێر بڵاوکراوەتەوە، دەردەکەوێت ئەو ئۆتۆمبێلەی کە بە تۆمەتبارەکە بووە، لەجۆری “بیجۆ”ـیە.