دانیشتنێکی دادبینی لە دادگای سلێمانی، کە بە تایپی ئەلیکترۆنی بەڕێوەدەچێت _ وێنە: دادگای سلێمانی
دادگای سلێمانی تایپی دانیشتنەکانی دادبینی دەکاتە ئەلیکترۆنی
964+
هاوبەش ئەبوبەکر
ئەمڕۆ دانیشتنێکی دادبینی لە دادگای سلێمانی بە تایپی ئەلیکترۆنی بەڕێوەچوو و دادگاکە دەڵێت، بۆ یەکەم جارە لەسەر ئاستی عێراق و هەرێمی کوردستان دانیشتێکی دادبینی بەو جۆرە بەڕێوەبچێت.
ئەمڕۆ پێنجشەممە 24.8.2023، دادگای سلێمانی لە فەیسبوک رایگەیاند، بۆ یەکەمجار لەسەر ئاستی عێراق و هەرێمی کوردستان، لە دادگای تاوانەکانی سلێمانی/3 لە دانیشتنێکی دادگا سیستمی تایپی ئەلیکترۆنی (دەنگ بۆ نوسین) بە سەرکەتویی تاقیکرایەوە.
بە وتەی دادگاکە، ئەم شێوازە لە کارکردن دەبێتە هۆی خێراترکردنی دادبینی و زوتر یەکلاییکردنەوەی داواکان.
“هەوڵەکانی دادگا بەردەوام دەبێت بۆ چەسپاندنی ئەو خزمەتگوزارییە لەناو سیستمی ئەلیکترۆنی و بەردەستبوونی بۆ سەرجەم دادگاکانی سەر بە سەرۆکایەتیمان”، دادگای سلێمانی وا دەڵێت.
راشیگەیاند، تایپی ئەلیکترۆنی کاریگەی راستەوخۆی دەبێت لەسەر خێراکردنی دادبینییەکان و کەمکردنەوەی ماندوبونی فەرمانبەران و خزمەتکردنی زیاتری هاوڵاتیان و دادگاکانی کوردستانیش هەنگاوێکی گەورە دەباتە پێش.