وێنەی ئەو گۆشتەی دەستیبەسەردا گیراوە لە کۆیە. فۆتۆ: قایمقامیەتی کۆیە
لە کۆیە زیاتر لە نیو تۆن گۆشتی خراپبوو دۆزرایەوە
964+
هاوبەش ئەبوبەکر
قایمقامیەتی کۆیە لە ناو کۆگایەکدا زیاتر لە نیو تۆن گۆشتی بەستووی دۆزیوەتەوە، کە شیاوی خواردن نییە و دەستیبەسەردا گرتووە.
ئەمڕۆ چوارشەممە 23.8.2023، قایمقامیەتی کۆیە رایگەیاند، لە ناو کۆگایەکدا دەستیان بەسەر بڕی نزیکەی 600 کیلۆ گۆشتی بەستوويدا گرت، کە بە کەڵکی خواردن نەدەهات.
گۆشتەکە پێکهاتووە لە مریشک، سینگ و باڵ و خاوەنەکەی ویستویەتی بەسەر هاوڵاتیاندا ساغیبکاتەوە.
هەر لە ناو هەمان کۆگادا، “بڕێکی زۆر” جپسی ماوە بەسەرچوو دۆزراوەتەوە و دەستیبەسەردا گیراوە.
هەموو ئەو گۆشتە و جپسە بەسەرچووەکە، لە شوێنی تایبەت لە ناودەبرێن و رێکاری یاسایی بەرامبەر خاوەنەکەی دەگیرێتەبەر، قایمقامیەتی کۆیە وا دەڵێت.