نزیکەی 50 کۆچبەری کورد لە ئیجە گیریان خواردووە

964+

هاوبەش ئەبوبەکر

نزیکەی 50 کۆچبەری کورد لە دەریای ئیجە گیریان خواردووە و بەشێکی زۆریان ژن و منداڵن.

ئەمڕۆ پێنجشەممە 17.8.2023، رۆژنامەنوس رەنج پشدەری لە فەیسبوکی خۆی رایگەیاند، بە هۆی لەکارکەوتنی بەلەمەکەیان، زیاتر لە 80 کۆچبەری کورد و ئەفغانی، لە دەریای ئیجە گیریان خواردووە و زۆربەیان کوردن.

“تا ئێستا ئاو نەچووەتە نێو یەختی ئەو کۆچبەرانەوە، بەڵام بە وتەی سەرنشینەکان، یەختەکە بەهۆی شەپۆلی ئاو و بای تووند مەترسی نقوومبوونی هەیە”، ئەمە وتەی رەنج پشدەریە کە لە لایڤێکی فەیسبوکدا لەگەڵ کۆچبەرەکاندا قسە دەکات.

دەشڵێت، نزیکەی 50 کۆچبەریان کوردن.

پۆلیسی یۆنان لە رەوشی ئەو کۆچبەرانە ئاگادارکراوەتەوە و بە پێی زانیارییەکان، ئەو کۆچبەرانە ماوەی دوو رۆژە بەڕێکەوتوون بە هیوای گەیشتن بە وڵاتانی ئەوروپا.