تەپەی قەرەئۆغلان لە کفری پەرژین کرا

964+

میلاد جەلال – کفری

بە مەبەستی پاراستنی، شوێنەواری تەپەی قەرەئۆغلان لە قەزای کفری پەرژین کرا و وا بڕیارە ساڵی داهاتوو کنە و پشکنینی تێدا ئەنجام بدرێت.

ئەو شوێنەوارە دەکەوێتە باکووری رۆژهەڵاتی شاری کفرییەوە و تا ئێستا نازاندرێت مێژووەکەی بۆ کەی دەگەڕێتەوە.

ئەمساڵ چەند زانکۆیەک سەردانی شوێنەوارەکەی کردووە و هیچیان رەزامەندیان نەداوە بۆ کارکردن تێیدا، بۆ کەوتووەتە ساڵی داهاتووەوە.

ساڵح محەمەد، بەڕێوەبەری شوێنەواری گەرمیان بە 964ـی وت، “بڕی 40 ملیۆن و 500 ھەزار دیناری بۆ تەرخان کراوە، کارەکانی پەرژینکردنەکە دوێنێ چوار شەممە 16.8.2023 دەستیپێکردووە و ماوەی چەند رۆژێک دەخایەنێت.”

پێداچوونەوە: پێشەوا محەمەد