سروشت و شوێنەوار لە پێشانگەیەکی خورماتوو کۆکرانەوە
964+
سیروان خورشید
لە خورماتوو پێشانگەیەکی فۆتۆگرافی بۆ پارێزگاریکردن لە سروشت و شوێنەواری هەرێمی کوردستان و عێراق کرایەوە.
رێکخراوی جەماوەر بۆ بەھاناوەچوون و گەشەپێدان پێشانگەکەی لە قاوەخانەی ماڵی کولتوری لە قەزای خورماتوو کردووەتەوە و وێنەگر و رۆژنامەنووس شێروان عەبدولڕەحیم کارەکانی تێدا نمایش دەکات.
شێروان عەبدولڕەحیم بە 964ـی وت، ئامانج لە سازکردنی پێشەنگەکە بۆ زیاتر ھاندانی گەنجان و خزمەتی لایەنی سروشت و شوێنەوارە.
لە وێنەکاندا زیاتر گرنگی بە سروشتی عێراق و ھەرێمی کوردستان و سروشتی قەزای خورماتوو بە تایبەت دراوە و ھەوڵدراوە زۆر شوێنەواریش پیشان بدرێت، کە ھاوڵاتیان کەمتر بینیویانە.
پێداچوونەوە: هاوبەش ئەبوبەکر
+1