لە ئامێدی رۆژی جیهانی لاوان تێکەڵ بە مەلەکردن کرا
964+
هیڤی دێوالی – دهۆک
بۆ بەرزڕاگرتنی رۆژی جیهانی لاوان، 52 کەس لە ئامێدی پیشبڕکێ و نمایشی مەلەوانیان ئەنجام درا.
نمایشەکە ئەمڕۆ شەممە 12.8.2023 هاوکات لەگەڵ رۆژی جیهانی لاواندا پێشکەش کرا و هەشت کەس خەڵات کران.
پیران محەمەد سەعید، بەرپرسی ناوەندی وەرزش و لاوانی دهۆک بە 964ـی وت، “هەموو ساڵێک لە رۆژی جیهانی لاوان لە پارێزگای دهۆک چالاکییەکان ئەنجام دەدەین، بەڵام ئەمساڵ لە ئامێدیی بەڕێوەچوو”.
وتیشی، “هەر بەو بۆنەیەوە سبەینێ یەکشەممە 13.8.2023 چەندین گەنجی قەزای ئامێدی کە بەهرەمەندن لە بوارە جیا جیاکان رێزیان لێدەگرێت و خەڵات دەکرێن”.
پێداچوونەوە: پێشەوا محەمەد
