رۆژانه‌ نیو تۆن میوه‌ى خراپبوو له‌ عه‌لوه‌ى سلێمانى فڕێدراوه‌

964+

فه‌رهاد حه‌سه‌ن

لیژنه‌ى چاودێری عه‌لوه‌ى سلێمانى ده‌ڵێت، رێگە نادرێت میوە و سەوزەی خراپبوو لە عەلوەكه‌یانه‌وه‌ ببرێتە بازاڕەکان و توانیویانه‌ رۆژانه‌ش نیو تۆن میوه‌ى خراپبوو له‌و عه‌لوه‌یه‌ فڕێبده‌ن.

به‌پێی یاسای ئه‌و لیژنه‌یه‌ى كه‌ چاودێى عه‌لوه‌ى سلێمانى ده‌كات،  لە هەر قاتعێکی عەلوەدا دەست بەسەر میوە و سەوزەی خراپبوودا بگیرێت رێکاری یاسایی لەگەڵ خاوەنەکەی دەگیرێتەبەر.

لیژنه‌كه‌، راپۆرتێكى بڵاوكردووه‌ته‌وه‌ و ده‌ڵێت، لەماوەی 10 رۆژی ئەم مانگەدا، دەستگیراوە بەسەر بڕی نزیکەی پێنج تۆن میوە و سەوزەی خراپبوودا و لەناوبراون.