هەواڵ
لەسەر رێگەی زاوێتە ئۆتۆمبێل لە گەنجێکی دا و کوشتی
+964
هیڤی دێوالی – دهۆک
لەسەر رێگەی زاوێتە بۆ کۆمەڵگەی باگێرا ئۆتۆمبێلێک لە ئاوارەیەکی شەنگالی دا و دوای کاتژمێرێک لە نەخۆشخانە گیانی لەدەست دا.
ئەمشەو لەسەر رێگەی زاوێتە بە خێرایەکی زۆر ئەو ئۆتۆمبێلە هاتووە، ئەمە بە وتەی شایەتحاڵێک.
ئەو شایەتحاڵە کە لە نزیکی رووداوەکە بووە بۆ 964 قسەی کرد و دەڵێت، ئۆتۆمبێلەکە لە گەنجێکی تەمەنی 35 ساڵانی دا و دوای کاتژمێرێک لە بردنی بۆ نەخۆشخانە، گیانی لەدەستداوە.
964 پەیوەندی بە تیمی فریاگوزاری دهۆک کرد، بەڵام وەڵامیان نەدایەوە.
بە پێی زانیارییەکان گەنجەکە پیشەی ئاسنگەرە.
پێداچوونەوە: فەهمی نەبی