گازی باکوور و سەنحاریب بردیانەوە و ئەکاد دۆڕا

+964

هێژا خەسرەو ـ هەولێر

لە گەڕی سێیەمی خولی باسکەی کچانی عێراقدا و لە ئەنجامێکی چاوەڕواننەکراودا، کچانی سابیس بە پێشکەشکردنی ئاستێکی بەرز کچانی ئەکادیان شۆک کرد و بەئەنجامی 77 خاڵ بەرامبەر بە 68 خاڵ شکستیان پێهێنان.

یاری دووەمیش لە نێوان سەنحاریب و دەربەندیخاندا بوو، تێیدا کچانی سەنحاریب یارییەکەیان بە ئەنجامی 67 خاڵ بەرامبەر بە 48 خاڵ بردەوە.

کچانی گازی باکووریش لەگەڵ کچانی ئەفرۆدێت یارییان کرد و یانە کەرکووکییەکە یارییەکەیان بە ئەنجامی 67 خاڵ بەرامبەر بە 47 خاڵ بردەوە.

ساندرا ئەدیب هاندەرێکی سەرسەختی یانەی ئەکادە، دوای دۆڕانی یانەکەی بە چاوی پڕ گریانەوە وتی: ئەکاد باشترین تیپە، هەرگیز لەهاندانی تیپەکەم ناوەستم لە هەموو یارییەکدا بە دۆڕان و بردنەوە پاڵپشتیان دەکەم.

خولی باسکەی کچانی عێراق لە ئاستی لاوان لە هەولێر و لە هۆڵی ئەکاد بەڕێوەدەچێت.

پێداچوونەوە: ئەرسەلان عەبدوڵآ