باڵەخانەی کشتوکاڵی بازیان ترسی رووخانی زیاتر بووە
964+
پێشەوا محەمەد
بەڕێوەبەرایەتی کشتوکاڵی بازیان بەدەست درزی بیناکەیانەوە واوەیلایانە و دەڵێن، لە هەموو شوێنێکی بیناکەدا درز زیادی کردووە.
دوو ساڵ بەرلەئێستا بیناکە درزی زۆر گەورەی بۆ دروست بوو، ئەوکاتە دەرخستەیەکی بۆ کرا و نۆژەنکردنەوەکەی نزیکەی 100 ملیۆن دیناری پێویست بوو، بەڵام بۆیان خەرج نەکرا.
چەند مانگێک بەرلەئێستا کۆمپانیایەک نزیکەی پێنج ملیۆن دیناری پێداون و هەندێ درزیان چاککردووە.
هۆکاری درزەکانی بیناکە رۆچوون و بوومەلەرزەیە.
زانیار تۆفیق، بەڕێوەبەری کشتوکاڵی بازیان بە 964ـی راگەیاند، باڵەخانەکە مەترسی رووخانی لەسەرە و رۆژانە هۆبەی نوێ درزی نوێیان تێدا دەردەکەون.
“ئێمە خۆمان بوودجەمان نییە و چەند جارێکیش داوامان کردووە بۆمان خەرج بکرێت نەکراوە، بەڵام ئەگەر ئێستا دەرخستەی نوێ بکرێت بیناکە پارەی زیاتری تێدەچێت چونکە درزی زیاتری تێکەوتووە”، ئەوەش قسەی زانیار تۆفیقە.