دوکاندارانی بازاڕی هەرزانی بەردەڕەش بێ ئاو و کارەبان
+964
زەید کۆچەر- بەردەڕەش
ژماره‌یه‌ك له دوكاندارانی بازاڕی ده‌ستی دوو له به‌رده‌ڕه‌ش، كه به بازاڕی هه‌رزان ناسراوه، گله‌ییان هه‌یه له‌وه‌ی نه كاره‌با و نه ئاویان هه‌یه، هه‌روه‌ها كۆڵانه‌كانی ناو بازاڕه‌كه‌ش كۆنكریت نییه.
ئه‌وان داوایان له 964 كرد ده‌نگیان به لایه‌نه به‌رپرسه‌كان بگه‌یه‌نن، باسی ئه‌وه‌شیان كرد، سه‌ردانی لایه‌نه به‌رپرسه‌كانی قه‌زای به‌رده‌ڕه‌شیان كردووه، به‌ڵام تا ئێستا هیچیان بۆ نه‌كراوه، ئه‌مه‌ش له كاتێكدایه ئه‌وان مانگانه كرێی دوكانه‌كانیان ده‌كه‌ن.