یەکەیەکی پاڵاوتنی ئاو لە کەلار دروست دەکرێت

964+

پێشەوا محەمەد

بەرپرسانی ئیدارەی گەرمیان سەرگەرمی داڕشتنی پلانێکن بۆ دروستکردنی یەکەیەکی پاڵاوتنی ئاو لە بەرامبەر پێدانی پڕۆژەیەک بە وەبەرهێنێک.

ئامانج لە دروستکردنی پاڵاوگەکە دوورکەوتنەوەیە لە زیاتر بەکارهێنانی ئاوی ژێرزەوی و پاراستنیەتی.

هونەر مەحمود، بەڕێوەبەری وەبەرهێنانی گەرمیان بە 964ـی راگەیاند، ئەو پاڵاوگەیە هاوسەنگی ئاو لە گەرمیان دروست دەکات و دەتوانرێت ئاوی پڕۆژەکان لەوێوە دابین بکرێت و هێندە پشت بە ئاوی ژێرزەوی نەبەسترێت.

وتیشی، “ئێمە لە گەرمیان بەخشینی پڕۆژەکانی وەبەرهێنانمان هەیە، هەر وەبەرهێنێک پڕۆژە وەبەرگرێت دەبێت پڕۆژەی خزتمەتگوزاری جێبەجێ بکات و ئەو پڕۆژەیەش لەو چوارچێوەیەدا دەبێت”.