دیمهنێكی دهرهوهى خانهى گهورانى سلێمانى ... وێنه: خانهى گهورانى سلێمانى
زیاتر له 3000 یش ئازاد كراون
ئهمساڵ نزیكهى 4000 کەس لهههرێمى كوردستان حوکم دراون
964+
فهرهاد حهسهن
بەڕێوەبەری گشتی چاكسازی دهڵێت، لە شەش مانگى یهكهمى ئهمساڵدا نزیكهى چوار ههزار كهس له ههرێمی كوردستان حوكمدراون و زیاتر له سێ ههزار سزادراویش ئازاد كراون.
ئەمڕۆ دووشەممە 10.7.2023، بهڕێوهبهرایهتى گشتى چاكسازى كۆمهڵایهتى بڵاویكردهوه، كه ئیحسان عەبدولڕەحمان بابان، بەڕێوەبەری گشتیی کۆنگرەیەکی رۆژنامەنووسی ئهنجامداوه و ئاشكراى كردووه كه لە ماوەی شەش مانگی رابردوودا، سێ هەزار و 732 سزادراو هاتوونە چاکسازییەکانی کوردستان و سێ هەزار و 231 سزادراویش ئازاد کراون.
ئاماژه بهوهشكراوه كه لهماوهى ئهم شهش مانگهدا توانیوانه خزمەتگوزاری تەندروستی پێشکەش بە 22 هەزار و 355 زیندانی بكهن و 610 زیندانیش مۆڵەت پێبدهن بچنه ماڵهوهو، 634 زیندانی بە مەرج و چوار زیندانییش بە لێبووردنی تایبەت ئازاد کراون.
ئهو ئامارهی بهڕێوهبهرایهتى گشتى چاكسازى بڵاویكردووهتهوه، بەڕێوەبەرایەتیەكانی چاكسازی (گەوران و ژنان و منداڵان) لە هەرسێ شارەكانی هەولێر، سلێمانی و دهۆك، دهگرێتهوه.