شارەوانی دهۆک سەرقاڵی 100 پڕۆژەیە
964+
هیڤی دێوالی – دهۆک
لە ئێستادا شارەوانی گشتی پارێزگای دهۆک 100 پرۆژەی لەبەردەستدایە.
20% بۆ 40%ی پڕۆژەکان لە قوناغی جێبەجێکردندان، کۆی گشتی پارەی تەرخانکراو بۆ پرۆژەکان 47 ملیار و 174 ملیۆن و 951 هەزارو 177 دینارە.
ئەمیر ئەتروشی، بەرپرسی راگەیاندنی سەرۆکایەتی گشتی شارەوانی دهۆک بە 964ـی وت، لە ئێستادا 90%ی پڕۆژەکان بۆ دروستکردنی رێگاوبان و ئاوەڕۆی قەزا و ناحیە و گوندەکانە.
وتیشی، بایەخ بە دروستکردنی پارک و باخچەی گشتی نادەن، چونکە ئەو بودجەی لەبەردەستیانە بەشی دروستکردنی پارک ناکات و رێگاوبانەکان گرنگترن.
ئەم پرۆژانە هی ساڵەکانی 2021-2022-202ن، و لە پلانیاندایە بۆ ساڵانی داهاتوو پرۆژەی زیاتر رابگەیەنن بۆ خزمەتکردنی هاوڵاتیان، ئەمیر ئەتروشی وای وت.
پێداچوونەوە: ئەحمەد عەبدوڵا