زیادەڕۆییەکانی دوو شەقامی سلێمانی لابران

964+

پێشەوا محەمەد

بەشێک لە زیادەڕۆییەکانی دووڕیانی سەرچنار و فلکەکەی قولەرەیسی لە شاری سلێمانی لابران و خاوەنی بەشێکیشیان ئاگادار کرانەوە، زیادەڕۆییەکانیان لابەرن.

کارەکە ئەمڕۆ کراوە و سەرۆکایەتیی شارەوانی سلێمانی پێی هەستاوە.

زیادەڕۆییەکان زیاتر شۆستەکانیان بەکارهێنابوو و “رێڕەوی هاتوچۆی هاوڵاتیانیان تەسک کردبووەوە”.

“لە هەر شوێنێک زیادەڕۆیی هەبێت و هاتبێتە سنووری پیادەڕۆکانەوەو دەبێت لاببرێن”، ئەوە قسەی زەردەشت رەفیق، وتەبێژی شارەوانی سلێمانییە بۆ 964.

روونیشیکردەوە، سەرەتا ئەو شوێنانە ئاگادار دەکرێنەوە خۆیان زیادەڕۆییەکانیان لاببەن، ئەگەر لایاننەبرد ئەوکاتە شارەوانی لایاندەبات.