پێنج مانگە سەنتەری ددان لە سۆران داخراوە
964+
ئاسۆ وەرتی – سۆران
پینج مانگە سەنتەری ددان لە لە ئیدارەی سەربەخۆی سۆران بەهۆی کەمی کارمەند و نەبوونی دەرمان داخراوە.
سەنتەرەکە ماوەی ساڵێک پێش ئێستا کراوەتەوە و تەنیا شەش مانگ کاری کرد، بەڵام بەهۆی نەبوونی کارمەندەوە ماوەی پێنج مانگە داخراوە.
دکتۆر بەشدار جەبار، بەڕێوبەری سەنتەری ددان بە 964ـی وت” بەهۆی کەمی کارمەند و نەبوونی دەرمان و مەوادی پێویست نەمانتوانی بەردەوامی بە سەنتەرەکە بدەین، چونکە دوو کارمەندی فەرمیمان هەیە ئەوانی دیکە هەموویان خۆبەخشن و گرفتی سەرەکی نەبوونی مەواد و دەرمان بوو.
ئێستا کەسێک لە ئیدارەی سەربەخۆی سۆران، ددانی ژان بکات ناچارە بچێتە کلینیکی تایبەت، یانیش بێتە هەولێر.
دکتۆر بەشدار جەبار، بەڕێوبەری سەنتەری ددان دەشڵێت: داوامان لە بەڕێوەبەرایەتی گشتی تەندروستی سۆران کردووە دەرمان و مەوادی پێویستمان بۆ دابینبکەن تاوەکو دەستبە کارەکانمان بکەینەوە، ئەوانیش بەڵێنی چارەسەری گرفتەکەیان پێداوین.
پێداچوونەوە: فەرمان سادق