دوانە نا چوارەی بووە

964+

زەید کۆچەر – دهۆک

لە دهۆك ژنێك بە یەك سك چوار منداڵی بووە، تەندروستیان باشە و لەژێر چاودێری وردان.

ژنەكە 15 ساڵە هیچ منداڵێكی نەبووە، زۆر بەتامەزرۆییەوە چاوەڕێی منداڵ بووە، ئەمڕۆ بەیەك سك چوار منداڵی بوو.

سەمەدار سەلیم مزوریی، پزیشكی سەرپەرشتیاری منداڵەكان لە نەخۆشخانەی كوردستانی تایبەت بە منداڵبوون بە 964ی وت، منداڵەكان تەندروستیان زۆر باشە و هیچ كێشەیەكیان نیە و ئێستا لەناو شوشەدان.

منداڵی یەكەم كێشەكەی یەك كیلۆ و 800غرامە،منداڵی دووەم كێشەكەی یەك كیلۆ و 600 غرامە و منداڵی سێیەم كیلۆیەك و 300 غرامە، و ئەوەی چوارەمیش كێشەكەی یەك كیلۆ و 400 غرامە.

منداڵەكان دووانیان كوڕن و دوانیان كچن، دایكیان تەمەنی چل ساڵەو تەندروستیشی زۆر باشە.

پێداچوونەوە: کوردستان ئەحمەد