لاوانی ئینگلتەرا. فۆتۆ: سۆشیال میدیا
ئه‌مڕۆ دوو یاری له قۆناغی هه‌شتی یۆرۆی 2023 بەڕێوەدەچن
964+
ئه‌رسه‌لان عه‌بدوڵا
یارییه‌كانی پاڵه‌وانیه‌تیی یۆرۆی 2023 بۆ تۆپی پێ بۆ تیپه‌كانی لاوان به‌رده‌وامه و ئه‌مڕۆ دوو یاریی به‌هێز له قۆناغی هه‌شتدا دێنه ئه‌نجامدان.
پاڵه‌وانیه‌تییه‌كه له هه‌ردوو وڵاتی “جۆرجیا و رۆمانیا” بۆ تیپه‌كانی ته‌مه‌ن ژێر 21 ساڵان به‌ڕێوه‌ده‌چێت.
ئه‌مڕۆ یه‌كشه‌ممه له قۆناغی هه‌شتدا هه‌ردوو هه‌ڵبژارده‌ی ئینگلته‌را و پۆرتوگال رووبه‌ڕوو ده‌بنه‌وه.
یارییه‌كه كاتژمێر 07:00 ده‌ستپێده‌كات.
له یارییه‌كی دیكه‌شدا، كه كاتژمێر 10:00 ده‌ستپێده‌كات، هه‌ردوو هه‌ڵبژارده‌ی فه‌ره‌نسا و كروانیا به‌رامبه‌ر یه‌كدی یاریی ده‌كه‌ن.
تا ئێستا هه‌ردوو هه‌ڵبژارده‌ی ئیسپانیا و ئیسڕائیل گه‌یشتوونه‌ته قۆناغی پێش كۆتایی پاڵه‌وانیه‌تییه‌كه، دوای ئه‌وه‌ی دوێنێ ئیسپانیا له سویسرا و ئیسڕائیل له جۆرجیایان برده‌وه.