بەهۆی رووداوێکی هاتوچۆوە حەوت کەس بریندار بوون

964+

هونەر فارس- کەلار

کەمێک پێش ئێستا لەسەر رێگەی پشتێنەی کەلار بەهۆی پێکدادانی دوو ئۆتۆمبێلەوە حەوت کەس بریندار بوون و رەوانەی نەخۆشخانە کراون.

ئەمڕۆ هەینی دوو ئۆتۆمبێلی جۆری شۆفرلێت ئۆپترا و نیسان ناڤارا لەسەر رێگای پشتێنەیی کەلار کە بە حەولی ناسراوە پێکیاندادا و حەوت برینداری لێکەوتەوە.

هاوتوچۆی گەرمیان بڵاویکردەوە، سێ کەس لە بریندارەکان منداڵن و دوانیشیان ژنن.

دەشڵێت، شۆفێرێک و پێنج سەرنشینی بریندار هی ئۆتۆمبێلی شۆفرلێتەکەیە و شۆفێری نیسانەکەش بریندارە.

سەرجەم بریندارەکان رەوانەی نەخۆشخانەی فریاکەوتنی شەهید هەژار کراون و لێکۆڵینەوەکانیش لەلایەن تیمی هاوتوچۆوە بەردەوامە لە رووداوەکە.